Loading...

មុខម្ហូបថៃ្ងនេះគេហទំព័រស្រីសន្ធរ នឹងណែនាំអំពីវិធីធ្វើម្ហូបថៃ ដែលមានរសជាតិឆ្អាយពិសារនោះគឺ តុមយ៉ាំកុងថៃ (Tom-Yum-Goong) មករៀនធ្វើទាំងអស់គ្នា វាពិតជាងាយណាស់

 គ្រឿងផ្សំ 

– បង្គង់
– ផ្សិតចំបុើងពុះជាពីរ
– ម្ទិសស្រស់
– ស្លឹកក្រូចសើច
– អណ្តេងហានជាចំណិតៗ
– ស្លឹកគ្រៃ ដំអោយសំប៉ែតហើយហានវាខ្លីៗ
– ជីអង្កាម
– ក្រូចឆ្មា
– ខ្ទិះដូងឬទឹកដោះគោឆៅ
– ស្ករស
– ទឹកត្រី
– អំបិល
– ទឹកស៊ុប (ប្រសិនមាន)

រូបតំណាង

វិធីធ្វើ

  1.  ដំបូងត្រូវធ្វើបង្កង់សិនដោយវះខ្នងយកអាចម៏វាចេញ លាងទឹកអោយស្អាត ហានគ្រឿងផ្សំផ្សេងៗ ដូចជា ម្ទិស អណ្តេង ដើមស្លឹកគ្រៃ ស្លឹកក្រូចឆ្មា និងផ្សិតអោយព្រមសិន។
  2. ចាក់ទឹកស៊ុបឬទឹកធម្មតា ដាំអោយពុះ បង់គ្រឿងចូលទៅទាំងអស់ ពេលទឹកពុះម្តងទៀតដាក់បង្កង់ដែលត្រៀមរួចស្រេចចូល បន្តាប់ពីដាក់បង្កង់ចូលហើយ ត្រូវបង់ស្ករស ម្ទិស នរណាចូលចិត្តរសជាតិបែបម៉េចក៏បង់តាមដែលខ្លួនចូលចិត្ត ហើយទើបដាក់ផ្សិត(ចំប៉ើង) ។
  3. បិទបន្ថយភ្លើងតិចៗហើយច្របាច់ក្រូចឆ្មា (ក្រូចឆ្មាមិនគួរច្របាច់ពេលទឹកពុះខ្លាំងឡើយ ព្រោះវាអាចធ្វើអោយទឹកស៊ុបជូរ​ ដាក់អំបិលបន្តិចដើម្បីអោយរសជាតិឈ្ងុយឆ្ងាញ់។
  4. ដួសដាក់ចាន ហើយរោយស្លឹកជីពីលើ ដើម្បីអោយឈ្ងុយគួរអោយចង់ញ៉ាំ។

វាពិតជាងាយមែនទេ វិធីធ្វើម្ហូបបែបងាយៗ ធ្វើដោយខ្លួនឯងមិនចាំបាច់ចំណាយពេលទៅទិញ សាកល្បងទៅវាមិនខុសទេ។

ទស្សនាវីឌីអូ ជាភាសាថៃ

រៀបរៀងដោយ​៖ ម៉េងឡាយ៉ា
បញ្ជាក់៖ បើសិនចង់យកអត្ថបទពីគេហទំព័រនេះ សូមមេត្តាជួយដាក់ប្រភពអោយផង សូមអរគុណ។
មតិអ្នកអានក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។
ភ្ជាប់ទំនាក់ទំនងជាមួយ
Loading...