Loading...

រថយន្ត KIA ស៊េរី​ឆ្នាំ​២០១៦ មួយ​គ្រឿង ខណៈ​អ្នកបើកបរ​ស្រវឹង​បាន​បើករថយន្ត​ជ្រុល​ទៅ​ប៉ះ​នឹង​របង​រោងចក្រ​បណ្តាល​អោយ​រង​ការ​ខូចខាត អ្នកបើកបរ​មិន​ព្រម​ឈប់​បាន​បើក​រត់​ក៏​ជ្រុល​ទៅ​កៀរ​នឹង​ម៉ូតូ​ស្មាស​មួយ​គ្រឿង​ទៀត​ដែល​ជិះ​ដោយ​ម្តាយ និង​កូន​តូច​ម្នាក់​បណ្តាល​អោយរ​ងរ​បួស ហើយ​នៅ​តែ​ព្យាយាម​បើក​រត់​ទៀត ។

ហេតុការណ៍​នេះ​ដែរ​បាន​កើតឡើង​នៅ​វេលា​ម៉ោង​៧​និង​៣០​នាទី​យប់ ថ្ងៃ​ទី​៣១ ខែមករា ឆ្នាំ​២០១៩ ទុល​មុខ​នឹង​ស៊ីឡាំង​ហួរ ផ្លូវ​៣៧១ ភូមិ​ត្នោត​ជ្រុំ​៣ សង្កាត់​បឹង​ទំពុន​២ ខណ្ឌមានជ័យ ហើយ​ឃាត់ខ្លួន​បាន​នៅ​ជិត​ផ្ទះសំណាក់ ត្នោត​ជ្រុំ ផ្លូវ​៣៧១ សង្កាត់​ដង្កោ ខណ្ឌដង្កោ ។

តាម​ប្រភព​ព័ត៌មាន​ពី​កន្លែង​កើតហេតុ​បានអោយ​ដឹង​ថា មុន​ពេល​កើតហេតុ​គេ​បានឃើញ​បុរស​ម្នាក់​បាន​បើករថយន្ត​ម៉ាក KIA ស៊េរី​ឆ្នាំ​២០១៦ ពណ៌​ស ពាក់​ផ្លា​ក​លេខ ភ្នំពេញ 2AJ-1133 បាន​បើក​ចេញពី​ផ្លូវ​បេតុង​ក្នុងភូមិ ឡើង​មក​ផ្លូវ​៣៧១ តែ​ខណៈ​កំពុង​បើកបរ​ដោយសា​តែ​អ្នកបើកបរ​ស្រវឹង​ផង​នោះ ទើប​បណ្ដាល​រថយន្ត​រេ​ចង្កូត​ទៅ​បុក​នឹង​របង​រោងចក្រ​បណ្តាល​អោយ​រង​ការ​ខូចខាត​រថយន្ត​ផ្នែក​ខាង​មុខ​ចំហៀង​ខាងស្តាំ ។

ភ្លាម​នោះ​អ្នកបើកបរ ភ័យ​ពេក​ក៏​បាន​បើក​រត់គេច​ឡើង​ផ្លូវ​៣៧១​ក្នុង​ទិស​ដៅ​ពី​លិចទៅ​កើត​ក៏​ជ្រុល​ទៅ​កៀរ​នឹង​ម៉ូតូ​ម៉ាក​ស៊ុ​យ​ស៊ូ​គី​ស្មាស​រ៉េ​វ៉ូ ពណ៌​ខ្មៅ ដែល​ជិះ​ដោយ​ម្តាយ និង​កូនស្រី​តូច អាយុ​៤​ឆ្នាំ បណ្តាល​អោយ​ខ្ទាត​ក្មេង​ចេញពី​ម៉ូតូ​រង​របួស​យ៉ាងដំណំ ទាំង​ម្តាយ និង​កូន ។

ចំណែក​រថយន្ត​បង្ក​មិន​ព្រម​ឈប់​ទទួលខុស​នោះ​ទេ គឺ​ព្យាយាម​បើករថយន្ត​រត់គេច​ខ្លួន​រហូត​ដល់​ផ្ទះសំណាក់ ត្នោត​ជ្រុំ ផ្លូវ​៣៧១ សង្កាត់​ដង្កោ ខណ្ឌដង្កោ ទើប​មាន​អ្នកដំណើរ​ដេញ​ឃាត់​រថយន្ត និង​អ្នកបើកបរ​បាន ព្រមទាំង​ហៅ​សមត្ថកិច្ច​អោយមក​ជួយ​អន្តរាគមន៍​ផង​ដែរ ។

បន្តិច​ក្រោយមក​ក្នុង​ហេតុការណ៍​នេះ​ដែរ​គេ​ឃើញ​មាន​បក្សពួក​ខាង​រថយន្ត​បង្ក​បាន​បើករថយន្ត​មួយ​គ្រឿង​ទៀត​មក​រំដោះ​អ្នកបើកបរ ស្រវឹង​ហើយ​បង្ក​គ្រោះថ្នាក់​ចេញពី​កន្លែង​កើតហេតុ​បាត់ ។

ក្រោយ​ពេល​កើតហេតុ​ឃើញ​មាន​តំណាង​ភាគី​ខាង​រថយន្ត​បាន​មក​សម្របសម្រួល​គ្នា​ជាមួយ​និង​ខាង​ម៉ូតូ​រង​គ្រោះ​ដោយ​សុខចិត្ត​ទទួលខុសត្រូវ​ព្យាបាល​ម្តាយ និង​កូន​ដើម្បី​បញ្ចប់រឿង ៕

Cr: កោះសន្តិភាព

មតិអ្នកអានក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។
ភ្ជាប់ទំនាក់ទំនងជាមួយ
Loading...